Kaiako - Te Aupikitanga ki te Reo Kairangi (Kaupae 6)

Mō Mātou

Anei ngā kaupapa Māori e ngākau titikaha nei tō mātou wānanga:

Ko tekoromaki;‘kia angitū te tauira’.Ko te tirohanga;‘he takapau mātauranga, he whānau huarewa’.He mea ārahi e ēnei nā ō mātou hōtaka reo e whakahaeretia ai i runga i ngā mātāpono me ngā uara Māori.

E ngākaunui ana ō mātou kaimahi ki te rere o te whanaungatanga i te wāhi mahi, otirā e rangiwhāwhā ana hokingā painga e taukototia ai ngā kaimahi hei oranga mōna, mō tōna whānau hoki

Ngā Painga

• E whā anō ngā rā whakamatua ā-tau hei whakanui i a Matariki, i te hararei hoki
• He hōtaka oranga e wātea kore-utu ai ngā kaupapa tautoko i tō hauora ā-tinana, ā-hinengaro anō hoki.
• He taunga waka kore-utu i te wāhi mahi

Mō Tēnei Mahi

Wāhi Mahi: Mangakōtukutuku Campus, Kirikiriroa

Hāora Mahi: 37.5 hāora i te wiki, he tūranga tūturu.

Ko tāu hei Kaiako, he:

• Whakaako i te reo kairangi (kaupae 6) e hōhonu ake ai te mōhio ki te wetereo, ki te tikanga, ki te arohaehae hoki mā roto mai i te tikanga Māori me te mātauranga Māori
• whai kia rūmaki, kia kounga ngā wheako ako, i ngā noho marae, i ngā wānanga me ngā hui e werohia ai, e hihiko ai hoki ngā ākonga pakeke
• ārahi i ngā tauira kia matatau ki te reo, he tautoko hoki i a rātou mā te aromatawai, te whakahoki kōrero, te pupuri tauira, te whai kia oti te hōtaka. 
• whakatauira i te rangatiratanga i roto i te reo me ngā tikanga, arā, he whakatauira i ngā whakatakotoranga kounga o te reo, i te whakamāori-whakapākehā, i te reo huahuatau me ngā mātauranga pēnei i te pūrākau, i te hekenga o ngā waka, me te waiata-haka
• hōmiromiro i te kounga o ngā mahi, pēnei i ngā aromatawai, i te aromātairua, i te rīpoata me te mahi tahi ki a NZQA, ki ngā hiahia anō hoki o ngā kaiwhakahaere
• āta whai wāhi ki te kaupapa o te wānanga, arā, ki te kimi tauira, ki te mahi tahi ki te iwi me te hapori, ā, ki te mahi tahi ki ngā kaimahi e hāpai tonutia ai ngā rautaki whakaako hei painga mō ngā ākonga

Mōu

• matatau ki te reo Māori, kua whai tohu kaupae 6, he teitei ake rānei (he taurite rānei), pēnei i Te Panekiretanga, i ngā tohu kaupae 7, i tētehi tohu Mātauranga Māori rānei i whakaakona mā te reo

• whai tohu whakaako me te aromatawai i te hunga pakeke (e ū ana rānei kia riro i a ia i te tau tuatahi), ā, he wheako tōna ki te whakaako, ki te whakahaere rānei i ngā taumata teitei o te whakawhanake reo
• mōhio ki te wetewete i te reo, ki te whakamāori-whakapākehā ā-waha, ā-tuhi hoki, ki te huahuatau hoki
• pakari ki te whakahaere, ki te mahere, ki te whakawhanaunga. E āhei ana hoki ki te whakatenatena, ki te wero hoki i te tauira
• whai raihana herekore hautū waka ki Aotearoa, e tāwariwari ana hoki ki te tautoko i ngā noho, i ngā wānanga, me ngā whakahaere i wāhi kē

Hei rōpū kaupapa Māori; e hiahiatia ana he ngākau titikaha ki ngā ngohe ahurea, ki te whakawhanake hoki i te māramatanga ki ngā Āhuatanga Māori (uara, ahurea me te tikanga).

Mēnā e hāngai ana tēnei mahi ki ō pūkenga me ō tūmanako, ā, he rawe hoki tēnei momo taiao mahi, kāti: me tono ināiatonu nei. Ka aukatihia tēnei whakatairanga ina kitea tētehi kaitono pai.

E iri ana tētehi whakamārama mō te tūranga mahi i tō mātou pae tukutuku umanga. Mēnā he pātai anō, tēnā koa, tukuna ki jobs@twoa.ac.nz

Position description Apply now

Share