Kaiako - Te Piinakitanga ki te Reo Kairangi (Kaupae 7)

Mō Mātou

Anei ngā kaupapa Māori e ngākau titikaha nei tō mātou wānanga:

Ko te koromaki; ‘kia angitū te tauira’. Ko te tirohanga; ‘he takapau mātauranga, he whānau huarewa’. He mea ārahi e ēnei nā ō mātou hōtaka reo e whakahaeretia ai i runga i ngā mātāpono me ngā uara Māori.

E ngākau nui ana ō mātou kaimahi ki te rere o te whanaungatanga i te wāhi mahi, otirā e rangiwhāwhā ana hoki ngā painga e taukototia ai ngā kaimahi hei oranga mōna, mō tōna whānau hoki

Ngā Painga

• He inihua hauora kore-utu, he mataora kore-utu hoki moo te kaimahi ukiuki.
• E whaa anoo ngaa raa whakamatua aa-tau hei whakanui i a Matariki i te hararei hoki.
• He hootaka oranga e waatea kore-utu ai ngaa kaupapa tautoko i too hauora aa-tinana, aa-hinengaro anoo hoki.
• He taunga waka kore-utu i te waahi mahi

Mō Tēnei Mahi

Wāhi Mahi: Mangakōtukutuku Campus, Kirikiriroa.

Hāora Mahi: 37.5 hāora i te wiki, he tūranga tūturu.

Ko tāu hei Kaiako, he:

• whakawhanake i te reo kairangi mā roto i te noho rūmaki, me ngā taera whakaako whai mana.
• ārahi i ngā tauira ki ngā pae matatau o te reo Māori me ōna tikanga
• whai kia pārekareka te ako e werohia ai, e whanake ai, e hihiko ai hoki te tauira
• whai kia angitū te tauira mā te ārahi, te aromatawai e ai ki tā te momo ako
• ārahi mā roto i te whakatinana i ngā uara kaupapa Māori, e puta ai te whanaungatanga me te kotahitanga i roto i ngā mahi katoa.
• whai wāhi ki te whakarauoratanga o te reo Māori mā te poipoi i ngā toa whakarauora reo.

Mōu

E kimihia ana tētehi toa kua:

• whai tohu paetahi i Te Reo Māori, Mātauranga Māori i whakaakona mā te reo Māori, Te Panekiretanga o Te Reo, i tētehi ngaiaotanga kē rānei e rite ana te taumata.
• whai tohu Adult Teaching-kaupae 5. He tohu taurite rānei

• neke atu i tetoru tau e whakaako ana i te reo Māori, e whakaako ana hoki i te pakeke

• matatau ki te reo tuhi, ki te reo ā-waha hoki, ā, e āhei ana ki te whakawhanake i ō ētehi kē atu
• mārama ki te ao Māori, ki te tikanga Māori, ki te whakapapa, ki ngā kōrero tuku iho, ki ngā tikanga me ngā reo ā-iwi.
• pakari ki te whakahaere, ki te whakawhanaunga, ki te whakaaweawe hoki i te ākonga. Ka mutu, he ngākau nui tōna ki te whakamana i ētehi kē e angitū ai ia

Hei rōpū kaupapa Māori; e hiahiatia ana he ngākau titikaha ki ngā ngohe ahurea, ki te whakawhanake hoki i te māramatanga ki ngā Āhuatanga Māori (uara, ahurea me te tikanga).

Kua whati te tai, tono mai!

Mēnā e hāngai ana tēnei mahi ki ō pūkenga me ō tūmanako, ā, he rawe hoki tēnei momo taiao mahi, kāti: me tono ināiatonu nei. Ka aukatihia tēnei whakatairanga ina kitea tētehi kaitono pai.

E iri ana tētehi whakamārama mō te tūranga mahi i tō mātou pae tukutuku umanga. Mēnā he pātai anō, tēnā koa, tukuna ki jobs@twoa.ac.nz

Position description Apply now

Share